原刊於2010年6月10日東方日報   政情   大舞台 

社民連三子重返議會後明言會狙擊高官，大舊陳偉業更加每次開會都針對政制及內地事務局局長林瑞麟（林D9），喪鬧佢係公公、閹人。早前林D9都可以一笑置之，仲識講笑叫大家唔使尊稱佢做外公。不過可能每個人嘅容忍力都有限度，尋日大舊再寸佢林公公時，林D9就即時面黑還拖，要大舊收回言論。擾攘一輪，大舊最後肯收番言論，但就加多句話係因為驚侮辱咗班太監。林D9雖然冇再插嘴，但眼神極度不認同，睇嚟大舊同林D9以後仲有排過招！

（左）阻住政制發展係林公公呢啲閹人！

（右）陳偉業嘅發言帶侮辱性！